Skólaþríþraut FRÍ
 

Lokakeppnin verður haldin í Laugardalshöll í Reykjavík, föstudaginn 4. júní nk. og hefst keppni kl. 16:00!

Undankeppni í sem fram fór í grunnskólunum er lokið. Fjórum efstu í hverjum flokki af hverju svæði stráka og stelpna er boðið á lokamótið í Laugardalshöll. Tímaseðill mótsins má sjá hér.
 
  
 
Landshlutakeppni
Keppnisárið 2010 verður með nýju sniði þar sem boðið verður uppá landshlutakeppni. Landinu verður skipt upp eftir sjö svæðum, líkt og kjördæma skipan landsins, þar sem skólarnir keppa innbyrðis í hverjum landshluta.
 
Keppnisfyrirkomulag
Mögulegt er að framkvæma þrautina í þrennu lagi, þannig að hver grein er framkvæmd í einum íþróttatíma. Árangur nemendanna úr öllum greinunum þremur, er reiknaður til stiga samkvæmt unglingatöflum FRÍ. Alls komast 16 keppendur í úrslit frá hverju landsvæði. Eða 4 keppendur, af hvoru kyni, úr sitt hvorum árgangi.
 
Forkeppni
Keppnisgreinarnar þrjár verða kúluvarp, hástökk og 120m hlaup. Úrslitum er skilað til FRÍ, annað hvort í gegnum sérstakt vefskráningarkerfi þar sem árangur nemendanna, birtist við skráningu, á landslista allra þátttakenda eða með tölvupósti til skrifstofu FRÍ.
 
Úrslitakeppni
Keppnisgreinar verða kúluvarp, langstökk og 60m hlaup. Úrslitamótið verður framkvæmt í Frjálsíþróttahöllinni í Laugardal við bestu aðstæður sem völ er á.
 
Eins og fyrri ár, verða veitt vegleg verðlaun fyrir besta árangurinn í hvorum aldursflokki stráka og stelpna, en verðlaunin eru farseðill og hótelgisting á Gautaborgarleikunum í Svíþjóð, sem er ein stærsta frjálsíþróttahátíð sem haldin er á Norðurlöndum.
 
Öll gögn og upplýsingar um skólaþríþrautina verða send til skólanna eftir áramót og þar verður fyrirkomulagi keppninnar lýst og jafnframt hvernig skráning árangurs nemenda fer fram.
 
Frjálsíþróttasambandið hvetur íþróttakennara í skólum landsins að framkvæma skólaþríþrautina í sínum skólum og gefa unga fólkinu tækifæri á því að taka þátt.