Alls eru yfir 340 keppendur skráðir til leiks frá 19 félögum og samböndum á Meistaramót Íslands 11-14 sem fram fer í Laugardalshöll um helgina. Fjölmennasta sveitin kemur frá ÍR, en þeir eru með yfir 60 keppendur skráða til leiks. HSK/Selfoss, Breiðablik og FH eru einnig með fjölmennar sveitir, alls um 30-40 keppendur hvert félag.Góð þátttaka er víða af landinu, hvort sem er að norðan, vestan eða sunnan.

Á sjötta tug keppenda eru skráðir til leiks í langstökki 12 ára stúlkna og 46 í 60 m í sama aldursflokki. 12 ára piltar fjölmenna einnig og eru t.d. ríflega 40 þeirra skráðir til leiks í 60 m hlaupi. Gífurlega góð þátttaka er í ýmsum öðrum greinum t.d. 800 m hlaupi hástökki í flestum aldursflokkum, sem ber vott um mikla grósku í greininni.

 

Keppni hefst kl. 10 bæði laugardag og sunnudag en mótinu lýkur á boðhlaupum sem standa frá kl. 13 til 14:30 á sunnudag.

 

Tímaseðill og úrslit eru á mótaforritinu hér.