Jónas Egilsson, framkvæmdastjóri FRÍ, var á nýafstöðnum fundi Frjálsíþróttasambands evrópskra smáþjóða (AASSE), kjörinn formaður samtakanna til næstu tveggja ára. Aðild að sambandinu eiga þjóðir í Evrópu með minna en eina milljón íbúa og eru með aðild að Alþjóðafrjálsíþróttasambandinu. Þetta er sömu þjóðir og eiga aðild að Smáþjóðaleikum Evrópu.

Aðilarlönd AASSE eru auk Íslands: Andorra, Kýpur, Liecthenstein, Luxembourg, Malta, Monakó, San Marínó, Svartfjallaland. Þá hefur frjálsíþróttasamband Gíbraltar sótt um aðild að samtökunum.

 

Meginmarkið þessara samtaka er að gæta hagsmuna smáþjóða á vettvangi frjálsíþrótta í Evrópu, auk þess að hafa frumkvæði að þróunar- og fræðsluverkefnum aðilarlandanna. Sameiginlegur styrkur aðilarríkja AASSE er um fimmtungur atkvæðamagns á vettvangi EAA.

 

Jónas var eins og kunnugt er kjörinn í stjórn Frjálsíþróttasambands Evrópu (EAA) á þingi þess í London sl. vor.