Á nýafstöðnu mótaþingi EAA voru kynntar helstu dagsetningar á mótum næsta árs og næstu ára. Stærstu mótin eru að sjálfsögðu Ólympíuleikarnir í London sem hefjast 27. júlí, en keppni í frjálsíþróttum verður frá 3. til 12. ágúst og Evrópumeistaramótið sem verður í Helsinki frá 27. júní til 1. júlí. Það er í fyrsta sinn sem EM verður á Ólympíuári, en hingað til hefur EM verið á fjögura ára fresti.

Önnur áhugaverð mót eru t.d. HM innanhúss sem verður að þessu sinni í Istanbul í Tyrklandi 9. til 11. mars. HM unglinga (18 og 19 ára) verður í Barcelona 10. - 15. júlí. Þar verður einnig minnst 100 ára afmælis IAAF.Vetrarkastsbikarkeppnin verður í borginni Bar í Svartfjallalandi 17. og 18. mars.

 

Helstu mót í Evrópu á næsta ári og þeim næstu er hægt að sjá á yfirliti frá EAA. Einnig er hægt að sjá lista með helstu mótum á næsta ári hér, raðað upp eftir flokkum.

 

Nú er unnið að gerð tillögu að mótaskrá FRÍ fyrir næsta ár og verða drög að henni kynnt á mótaþingi sem boðað verður til í næsta mánuði.