29. september 2011

Kári Steinn boðinn velkominn heim

Kári Steinn boðinn velkominn heim
Frjálsíþróttadeild Breiðabliks efndi til stuttrar mótttöku til heiðurs Kára Steini Karlssyni þegar hann kom til landsins í gær, miðvikudag, eftir sitt frækilega maraþonhlaup í Berlín um helgina. Nokkur stutt ávörp voru flutt og honum óskað til hamingju með árangurinn og bar formaður FRÍ, honum góðar kveðjur frá hreyfingunni.

Meðal gesta í mótttökunni voru nokkrir forystumenn Kópavogsbæjar og íþróttahreyfingarinnar. T.v.  Eiríkur Mörk Valsson formaður frjálsíþróttadeildar Breiðabliks, Magnús Jakobsson, forystumaður innan hreyfingarinnar til margra ára, Guðrún Pálsdóttir bæjarstjóri, Hjálmar Hjálmarsson forseti bæjarstjórnar, Þórður Guðmundsson, formaður frjálsíþróttadeildar um skeið og ötull stuðningsmaður hennar, Gunnar Páll Jóakimsson þjálfari, Kári Steinn, Gunnar Birgisson fyrrv. bæjarstjóri og fyrrv. formaður bæjarráðs í Kópavogi, Orri Hlöðversson formaður Breiðabliks, Valdimar Leó Friðriksson formaður UMSK og Stefán Halldórsson formaður FRÍ.
 
Nokkrar myndir voru teknar af þessu tilefni og hægt er að sjá þær á heimasvæði ljósmyndarans, Svandísar Sigvaldadóttur.