12. september 2011

Hilmar Örn með bætingar og ný met

Hilmar Örn Jónsson úr ÍR hefur bætt árangur sinn enn meira í sleggjukasti (4 kg)  og landsmetið í 15 ára piltaflokki á sama tíma. Hann þeytti sleggjunni 69,78 m. á móti í Kaplakrika á laugardaginn, en hann átti fjögur köst yfir fyrra meti í greininni (65,08 m, 66,20 m, 65,72 m). Fyrra met Hilmars Arnar Jónssonar í greininni var 64,13 m. Hann hefur því bætt árangur sinn með 4 kg sleggju alls um 14 m á árinu, best átti hann í fyrra 55,77 m.
 
Hann bætti besta árangur landsins einnig í 15 ára piltaflokki með 5 kg sleggju á móti daginn eftir þegar hann kastaði 61,88 m.

Jófríður Ísdís Skaptadóttir FH kastaði kringlunni 42,27 m á sama móti á laugardaginn. Þá setti Örvar Eggertsson FH persónulegt met í spjótkasti (400 gr.) er hann kastaði 38,22 m, en hann er 12 ára á þessu ári. 
 
Hilmar Örn kastaði kringlu (1 kg.) 46,35 m á sama móti á sunnudaginn, en metið í þeirri grein á Vésteinn Hafsteinsson 54,08 m frá  árinu1974.