Fjóla Signý Hannesdóttir HSK/Umf. Selfoss sigraði í á MÍ í sjöþraut kvenna sem fram fór á Akureyri um helgina. Hún hlaut samtals 4689 stig. Í karlaflokki sigraði Sölvi Guðmundsson Breiðablik með 5843 stig. Í flokki 16-17 ára stúlkna bar Ásgerður Jana Ágústsdóttir Ungmennafélagi Akureyrar sigur úr býtum. Hún hlaut samtals 4111 stig, en í öðru sæti var Kristín Karlsdóttir úr Breiðablik með 3215 stig. Í flokki pilta 18-19 ára sigraði Ingi Rúnar Kristinsson Breiðablik með 6682 stig, en í öðru sæti var Stefán Þór Jósefsson UFA með 4748 stig. Í flokki 16-17 ára pilta sigraði Sindri Hrafn Guðmundsson Breiðablik.

Fjóla Signý átti best í fyrra 4282 stig og er því að bæta sinn árangur umtalsvert frá þeim tíma eða rúm 400 stig. Hefur hún bætt sinn árangur í sex af sjö greinum þrautarinnar frá síðasta ári og jafnaði sinn í þraut frá því fyrra í þeirri sjöundu.

 

Ingi Rúnar bætti sinn árangur frá því á síðasta ári í tugþraut um rúm 400 stig einni. Þá náði hann best 6218 stigum, en hann er bæta sinn árangur í öllum greinum tugþrautarinnar frá sama móti og í fyrra, nema spjótkasti. Hann varð fyrir meiðslum í öxl í keppninni að þessu sinni og varð því að henda spjótinu með öfugri hendi og fékk ekki nema 175 stig fyrir þá grein að þessu sinni.

 

Stefán Þór átti best í fyrra, með drengjaáhöldum 3807 stig og er því að bæta sinn árangur verulega líka.

 

Úrslit mótsins í heild sinni er hægt að sjá hér.