Haraldur Tómas Hallgrímsson sigraði í hálfu-maraþoni í Brúarhlaupi Selfoss á Laugardaginn. Hann varð jafnframt Íslandsmeistari í greininni. Tími hans var 1 klst. 20:37 mín. Fyrst kvenna og Íslandsmeistari var Ósk Vilhjálmsdóttir. Hún kom í mark á tímanum 1 klst. 35:13 mín.

 

Kári Steinn Karlsson sigraði í 10 km hlaupinu á 30:19 mín., en sigurvegari í kvennaflokki varð María Kristín Gröndal. Hún kom í mark eftir 39:12 mín. hlaup.

Í hálf-maraþoni var Flóki Halldórsson annar í karlaflokki á 1:24:17 klst. og þriðji var Óskar Ragnar Jakobsson á 1:31:29 klst. Önnur í kvennaflokki var Nanna Þóra Andrésdóttirá 1:38:21 klst. og í þriðja sæti var Þóra Björg Magnúsdóttir á  1:44:06 klst.

 

Alls komu 50 hlauparar í mark í hálf-maraþoni. Samhliða þessu fór fram keppni í 2,5 km, 5 og 10 km hlaupum. Þá fór venju samkvæmt  5 km hjólreiðakeppni. Góð þátttaka var í hlaupinu, en alls luku 373 keppendur þátttöku í þeim fjórum hlaupavegalengdum sem í boði voru. Öll úrslit hlaupsins er hægt að sjá hér.