Ásdís Hjálmsdóttir úr Ármanni, varð 13. sæti í undankeppni spjótkasts kvenna á HM fyrr í morgun. Hún kastaði  59,15 m sem er hennar besti árangur í ár og yfir Ólympíulágmarki fyrir London 2012. Þetta er langbesti árangur hennar á stórmóti hingað til og besti árangur konu í spjóti á HM. Hún var rúma 50 cm frá því að komast í úrslitin.

 

Kristni Torfasyni úr FH tókst ekki upp sem skyldi í langstökkinu og þó að næði öllum stökkunum gildum fór atrennan úr skorðun hjá honum. Hann náði best 7,17 m í þriðja stökki, en hann hitti best á plankan í öðru stökkinu, þó að það hafi misheppnast hjá honum. Síðasti maður í úrslit stökk 8,02 m.

Kristinn var ekki sá eini sem átti í vandræðum í langstökkinu því þrír keppendur gerðu öll sín stökk ógildi og meðal þeirra sem ekki komust í úrslit er Irving Saladino frá Panama, sem bæði hefur unnið gull á þessu móti og er Ólympíumeistari frá Bejing.

 

Úrslit dagsins má sjá hér á heimasíðu mótsins.