Ásdís Hjálmsdóttir og Kristinn Torfason keppa bæði í undankeppni sinna greina á HM í dag, 1. september. Ásdís er síðust í kaströð í A-hóp í spjótkastinu, en keppni þar hefst kl. 10:10 að morgni á staðartíma eða kl. 01:10 um nótt að íslenskum tíma. Kristinn er 8. í stökkröð í B-hópi í langstökkinu sem hefur keppni kl. 11:35 að staðartíma eða kl. 02:35, en keppni í beggja hópa í langstökkinu fer fram samtímis.

Til að komast í úrslit í spjótkasti þarf að vera í hópi 12 bestu í undankeppninni eða kasta 61 metra. Alls eru 28 keppendur skráðir til leiks í spjótkasti kvenna. Lengst allra í ár hefur tékkneska stúlkan Barbora Spotakova kastað 69,45 m fyrir um fimm vikum síðan. Upplýsingar um árangur Ásdísar í spjótkasti má sjá hér á afrekaskrá FRÍ.

 

Til að komast í úrslit í langstökkinu þarf að stökkva 8,125 m eða vera meðal 12 bestu. Lengst allra í ár hefur stokkið Mitchell Watts frá Ástralíu, 8,54 m á DN Galan í Stokkhólmi í lok síðasta mánaðar. Árangur Kristins er tíundaður hér á afrekaskránni.

 

Hægt er að fylgjast með úrslitum á netinu á heimasíðu mótsins.