ÍR sigraði í samanlagðri stigakeppni í Bikarkeppni FRÍ 15 ára og yngri sem fram fór í Kaplakrika í gær, sunnudag. Þeir fengu samtals 169 stig. ÍR sigraði einnig í piltaflokki, en FH bar sigur úr býtum í stúlknaflokki. Jöfn og mikil barátta var í stúlknaflokki en FH hlaut samtals 76 stig, sveit HSK 75 stig og ÍR 74. Í piltaflokki voru yfirburðir ÍR talsverðir, en þeir hlutu samtals 95 stig, en í öðru sæti var lið HSÞ með 69 en FH-ingar urðu í því þriðja með 66,5 stig.

Í samanlögðum flokki voru FH-ingar í 2. sæti með 142,5 sig og sameiginlegt lið Eyfirðinga og Akureyringa kom með þriðja sæti varð síðan lið UMSE/UFA með 142,5 stig.

 

Alls tóku 10 lið þátt í keppninni að þessu sinni og voru Austur Húnvetninga með í fyrsta sinn í langan tima. Einnig voru Vestlendingar með sem hvorutveggja bendir til að vöxtur sé í starfinu á þessum svæðum.

 

Öll úrslit mótsins er hægt að sjá á mótaforritinu hér.