Forystuliðin, FH og ÍR skiptust á sigrum í fyrstu greinum á seinni degi Bikarkeppninnar. Sandra Pétursdóttir ÍR sigraði sleggjukast kvenna 52,02 m sem er næst besti árangur ársins í greininni. Í öðru sæti var Kristbjörg Helga Ingvarsdóttir FH með 49,42 m. Aðalheiður María Vigfúsdóttir Breiðablik varð 3. með 46,54 m.

 

Í karlasleggjunni sigraði Guðmundur Karlsson FH með 49,74 m, en hann hljóp í skarðið fyrir Berg Inga sem á við meiðsli að stríða. Í öðru sæti var hinn 15 ára gamli Hilmar Örn Jónsson úr ÍR með 48,03 m, sem er bæting hjá honum um rúma þrjá metra með 7 kg sleggjunni. Jón Bjarni Bragason Breiðablik varð 3. með 47,75 m.

Hægt er að fylgjast með úrslitum beint á Mótaforritinu á heimasíðu FRÍ.

 

Mikið fjölmenni er í stúku Kópavogsvallar í einmunablíðu.