Átta unglingar frá Reykjavík tóku þátt í frjálsíþróttakeppni International Childrens Games sem fram fóru í Lanarkshire í Skotlandi 3.-8. ágúst.  Samtals tóku 1300 unglingar frá 77 borgum og 33 löndum þátt í leikunum að þessu sinni, en keppt er í fjölda keppnisgreina öðrum  en frjálsíþróttum.  Leikarrnir voru haldnir á Íslandi árið 2007 en Reykjavíkurunglingar tóku þátt í frjálsum, sundi, badminton og judo að þessu sinni.   Reykjavíkurunglingarnir í frjálsum sem öll koma úr ÍR slógu heldur betur í gegn í frjálsíþróttakeppninni en þau unnu tvenn gullverðlaun, ein slifurverðlaun og tvenn bronsverðlaun.  Það voru aðeins Reykjavík og Singapore sem náðu tveimur gullverðlaunum í frjálsum og Reykjavík og Lanarkshire voru þær tvær borgir sem unnu til flestra verðlauna í frjálsíþróttakeppninni með fimm verðlaun hvor borg.   Þetta mun vera besti árangur sem frjálsíþróttalið frá Reykajvík hefur náð í þessari keppni frá því Reykjavík hóf þátttöku fyrir um 10 árum.