Ásdís Hjálmsdóttir kastaði lengst 57,77 m á Demantamóti IAAF sem fram fór í London í kvöld. Kastsería hennar var jöfn og vaxandi og sýnir það góðan styrk Ásdísar. Fyrsta kast hennar var 55,55 m en tvö síðustu gildu köstin hennar voru yfir 57 m, en hún náði sínu lengsta kasti í 4. umferð. Úrslit mótins er hægt að sjá hér.

 

Mótið verður sýnt á RUV í lýsingu Sigurbjörns Árna á sunnudaginn og hefst útsending kl. 11:55.

Christina Öbergföll frá Þýskalandi sigraði á mótinu með 66,74 m en tékkneska stúlkan Barbora Spotakova varð önnur með 66,41 m, en hún hefur kastað lengst allra í ár eða 69,45 m. Hún á einnig heimsmetið 72,28 m, sett í Stuttgart árið 2008. Í þriðja sæti varð Goldie Sayers frá Bretlandi með 63,41 m. Ásdís varð í sjöunda sæti af átta keppendum með 27,77 m eins og áður sagði.