Arna Stefanía Guðmundsdóttir var fánaberi fyrir hönd Íslenska liðsins sem staddur á Olympíuhátíð Evrópuæskunnar.  Keppt er í hinum ýmsu íþróttagreinum s.s. frjálsum, sundi, hjólreiðum, júdó og fl.

 

Arna Stefanía keppti í 400m hlaupi og hljóp á 55,48 sem er bæting utanhúss hjá henni og Íslandsmet í hennar aldursflokki. Hún var í 8 sæti af 21 keppanda og því miður náði hún ekki inn í úrslit þar sem tveir fyrstu í hverjum riðli komast áfram og tveir bestu tímar.  Þær stúkur sem unnu síðasta riðilinn voru með lakari tíma en Arna Stefanía.

Kolbeinn Höður Gunnarsson bætti sig í 100m hlaupi þegar hann hljóp á 11,08 (v 1,5) í löglegum vindi og varð í 20 sæti af 30 keppendum.  Hann keppir í 200m hlaupi í dag kl. 16:40 að staðartíma.

 

Dóróthea Jóhannesdóttir náði sér ekki á strik í þrístökkinu þegar hún stökk 11,38 en hún keppir einnig í 200m hlaupi sem er í dag kl. 16:20 að staðartíma.

 

Sindri Hrafn Guðmundsson keppti í hástökki og stökk 1,85 en það þurfti að stökkva 1.90 til að komast inn í úrslit.  Þetta er ársbesta hans í ár.  Hann keppir í spjótkasti 28/7 kl. 12:30 að staðartíma.

 

Arna Stefanía keppir í langstökki 28/7 kl. 12:30 að staðartíma. 

 

Flokkstjóri ferðarinnar er Oktavía Edda Gunnarsdóttir.