Hún hljóp 100 m grindarhlaupið á 15,58 sek sem gefa 767 stig. Næst stökk hún 1,69 m í hástökki sem gefa 842 stig. Því næst varpaði hún kúlunni 12,10 m sem gefa 668 stig. Loks hljóp um 200 m á 26,06 sek. sem gefa 792 stig. Samtals er hún með 3096 stig eftir fyrri dag og er í 17. sæti af 22 keppendum. 

Samanburður við annan árangur Sveinbjargar: 

Hún hljóp nærri sínum besta árangri í 100 m grindarhlaupi (84 cm) sem hún náði í Evrópubikarkeppninni í fjölþrautum í fyrra, en þá hljóp hún á 15,43 sek. Hún hljóp hins vegar á 15,76 sek.  í Evrópubikarkeppninni í fjölþratum Ribeira Brave 2. júlí sl. Best á hún 1,70 m í hástökki en fór í dag 1,69 m, svo hún er alveg við sinn besta persónulega árangur. Síðast fór kúlan 11,60 m. Í 200 m hlaupi á hún best 25,98 sek og er því aðeins 8/100 frá sínum besta árangri í greininni, sem hún náði í byrjun mánðarins í Ribeira Brave.

Hægt er að fylgjast með keppninni bein á heimasíðu Frjálsíþrótttasambands Evrópu bæði í beinni sjónvarpsútsendingu og með úrslitum sem birt eru jafnóðum.

Sveinbjörg hefur keppni kl. 10:30 að íslenskum tíma í dag, laugardag.