Helga Margrét Þorsteinsdóttir hóf keppni í sjöþraut á EM 22 ára og yngri í morgun þegar hún hljóp 100 m grindarhlaup á 14,76 sek., sem gefa 874 stig.  Hún á best 14,19 sek og er því um 70 stigum frá sínu besta hlaupi. Hún fór síðan 1,69 m í hástökki sem gefur 842 stig. Hún er því með 1794 stig eftir tvær greinar.

 

Helga Margrét byrjaði einnig rólega á Heimsmeistaramótinu í fyrra þegar hún hljóp 100 m grindina á 14,39 sek., en þar vann hún til bronsverðlauna með góðri frammistöðu síðar í þrautinni.