Hvítrússinn Eduard Mikhan endurheimti forystuna í tuþrautarkeppninni á EM 22 ára og yngri í Ostrava eftir keppni í kringlukasti. Hann er nú með 5881 stig, en Mihail Dudas frá Serbíu er í öðru sæti með 5823 stig. Heimamaðurinn Sebastian Helcelet er nú í þriðja sæti, með 5762 stig, en hann var í forystu fyrir keppni í kringlukasti. Einar Daði er í 14. sæti eftir sjö greinar með 5363 stig. Hann kastaði kringlunni 36,12 m sem gefa 586 stig.

Næsta grein er stangarstökk og er Einar Daði í stökkhópi A og hefst keppni kl. 13:15 að íslenskum tíma. Hægt er að sjá beina útsendingu frá mótinu á netinu í gegnum heimasíðu EAA: www.european-athletics.org smellt er á borðan efst á síðunni og þá er komið beint samband.