Einar Daði hóf seinni dag tugþrautarkeppninnar í Ostrava með því að hlaupa 110 m grindarhlaupið á 14,82 sek sem er hans besti árangur í tugþraut í greininni. Þessi árangur gegur 871 stig og er hann því samtals kominn með 4777 stig. Hann er nú í 12. sæti þrautarkeppninnar, færðist upp um þrjú sæti með þessum árangri.  Tékkinn Adam Sebastian Helect tók forystu í þrautinni af Hvítrússanum Eduard Mikahn og er með 5143 stig. Hvítrússinn er með 19 stigum minna eða 5124 stig.

Einar Daði hljóp á 14,94 sek. á tugþrautarmótinu í Kladno um miðjan síðasta mánuð, en á best 14,36 sek frá því á Smáþjóðaleikunum í byrjun júní sl. 

 

Næsta keppnisgrein er kringlukast.