Einar Daði bætti sinn besta árangur í stangarstökki en hann stökk 4,90 m. Hann varð í 4.-5. sæti í greininni, en átti 6. besta árangur fyrir keppnina. Þessi árangur gefur honum 880 stig. Hann er með 6243 stig samtals í þrautinni. 

 

Þessi árangur er einnig jöfnun á besta árangri Íslendings í stangarstökki í ár og 4-5 besti árangur Íslendings frá upphafi í stangrstökki.

Einar Daði er 11. eftir átta greinar og færðist upp um þrjú sæti með árangri sínum í stönginni.

 

(aths. Fram kom að þetta væri félagsmet ÍR, en það mun vera í eigu Mark Winston frá því 2010 í Bikarkeppni FRÍ, 5,00 m. Einnig áréttist að Bjarki Gíslason stökk 4,90 m þann 29. júní sl., þó svo að sá árangur sé ekki kominn á afrekaskrá FRÍ)