Um nýliðna helgi voru heimsleikar ungmenna haldnir í Gautaborg og voru margir Íslenskir frjálsíþróttamenn að keppa.  Hver og einn keppir í sínum aldursflokki.

 

Hafdís Sigurðardóttir HSÞ náði mjög góðum árangri í langstökki þegar hún stökk 6,32m í GALA langstökkskeppni sem aðeins þeir bestu á Norðurlöndum er boðið að taka þátt. Hún náði öðru sæti en því miður var vindur of mikill til að það teljist löglegt en vindurinn hjá henni var 4,1. Hún er farin að banka á íslandsmet Sunnu Gestsdóttur sem er 6,30m.Hún keppti síðan í 100m og hljóp á 12,24 og varð í 11 sæti af 18 keppendum.  Ennfremur hljóp hún 200m og hljóp á 25,01 og var aðeins hársbreitt frá því að komast í úrslit.  

Kristinn Torfason FH keppti í langstökki og stökk 7,73m og varð í öðru sæti en því miður var meðvindur -2,2 en þetta lofar góðu fyrir framhaldið.  

 

Trausti Stefánsson FH bætti sig í 400m hlaupi þegar hann hljóp á 48,69 og varð í 5 sæti af 63 keppendum.  Hann hljóp 200m og hljóp á 22,09. Bjartmar Örnuson UFA bætti sig einnig í 400m hlaupi þegar hann hljóp á 49,56 og varð í 15 sæti og hann keppti einnig í 800m og hljóp á 1:52,45 og varð í 7 sæti af 57 keppendurm.  Haraldur Einarsson HSK bætti sig einnig í 400m og hljóp á 49,62 og varð í 16 sæti. 

 

Óli Tómas Freysson FH keppti í 100m hlaupi og hljóp á 10,90 í riðlum og 10,92 í úrslitum og endaði í 13 sæti af 19 keppendum.

 

Björg Gunnarsdóttir ÍR bætti sig í 400m hlaupi þegar hún hljóp á 57,32 og varð í 3 sæti af 41 keppenda.

 

Björgvin Víkingsson FH keppti í 400m grindarhlaupi og hljóp á 53,12 og varð í 5 sæti af 24 keppendum.

 

María Rún Gunnlaugsdóttir Ármanni keppti í nokkrum greinum en hún náði góðum árangri í 100m grindarhlaupi þegar hún hljóp á 14,82 og varð í 4 sæti af 9 keppendum.

 

Sjá nánari úrslit á eftirfarandi slóð:

http://www.trackandfield.se/resultat/2011/110708.htm