Evrópumeistaramót U23 fer fram í Ostrava í Tékklandi 14-17 júlí n.k. Þrír Íslendingar hafa náð lágmörkum fyrir mótið.

 

Blake Jakobsson keppir í kringlukasti, Einar Daði Lárusson keppir í tugþraut og Helga Margrét Þorsteinsdóttir keppir í sjöþraut.  Þjálfarar í þessarri ferð eru Agne Bergvall og Þráinn Hafsteinsson. Sjúkraþjálfari er Guðmundur Daði Kristjánsson. 

Besti árangur þeirra er: Blake hefur kastað 56,95m og er Íslandsmetið í hans flokki í eigu Magnúsar Arons Hallgrímssonar og er 60,62m en í fullorðinsflokki er það 67,64m og er í eigu Vésteins Hafsteinssonar. Einar Daði Lárusson á 7587 stig í tugþraut sem er Íslandsmet í hans eigu, Íslandsmet fullorðinna er í eigu Jóns Arnars Magnússonar og er 8573 stig.  Helga Margrét Þorsteinsdóttir á 5878 stig í sjöþraut sem er Íslandsmet í hennar eigu og ennfremur í fullorðinsflokki.

 

Heimasíða mótsins er: http://www.ostrava2011.com/