Sindri Hrafn hóf keppni í morgun í spjótkasti og kastaði 59,83m en átti gott kast rúma 65m en það var því miður dæmt "flatt" og þ.a.l. ógilt, eins og mörg önnur köst í keppninni að sögn Þráins Hafsteinssonar þjálfara liðsins.  Arna Stefanía hóf keppni í langstökki í morgun og lenti í vandræðum með atrennuna sem orsakaði slakan árangur í þeirri grein.  Í spjótkastinu kom hún heldur betur sterk inn og bætti sig, kastaði hún 40,84m sem er enn ein bætingin hjá henni í þessarri keppni.  Í lokagreininni, 800m, náði hún einnig að bæta sig og hljóp á 2:14.88 og sigraði í sínum riðli. 

Hún hlaut 4653 stig í keppninni og endaði í 22 sæti af 34 keppendum þrátt fyrir að fá einungis 91 stig í landstökki.  Í samtali við Þráinn þjálfara hennar þá sagði hann að ef hún hefði náð að stilla atrennu sína og stokkið í kringum 5.70m þá hefði hún getað verið í 4-6 sæti.  Þess má einnig geta að hún var með betri tíma í 800m hlaupinu en allar þær sem voru fyrir ofan hana þ.e. 1-21 sæti.

 

Þráinn var mjög ánægður með hópinn sem keppti fyrir Íslands hönd og segir að þau séu öll mjög efnileg og eigi framtíðina fyrir sér.