Á alþjóðlegu móti í Sviss kepptu þrír frjálsíþróttamenn, Óli Tómas Freysson náði sínum næstabesta tíma og besta tíma Íslendings á þessu ári í 100m hlaupi, hann hljóp á 10,83 sek (v 1,1) og síðan hljóp hann enn betur eða 10,67 sek en vindur var rétt yfir leyfilegum mörkum (2,2).  Björgvin Víkingsson náði besta tíma Íslendings í 400m grindarhlaupi á þessu ári, þegar hann ljóp á tímanum 52,61 sek.  Þá sigraði Kristinn Torfason í langstökki og stökk hann 7,64m (v 0,9) og var rétt við sinn besta árangur.

Coke cola mót var haldið í Kaplakrika í gær sunnudag.  Blake Thomas Jakobsson bætti sig verulega í kringlukasti og kastaði hann kringlunni 56,95m og náði besta árangri Íslendings á þessu ári og besta kasti 20 ára og yngri frá upphafi.  Með þessum árangri er Blake búinn að tryggja sér keppnisrétt á EM 20-22 ára sem fram fer í Ostrava í Tékklandi 14-17 júlí n.k.  Með þessu kasti er hann bínn að færa sig úr 17 sæti yfir bestu kringlukastara Íslands í 8 sæti.  Stefán Ragnar Jónsson Breiðablik náði sínum þriðja besta árangri þegar hann kastaði 49,14m.  Í kringlukasti kvenna sigraði Unnur Sigurðardóttir og kastaði hún 39,29m sem er annað besta kast Íslendings í greininni í dag.  Í öðru sæti var Jófríður Ísdís Skaftadóttir USK og setti hún Íslandsmet í flokknum stúlkna 13-14 ára þegar hún kastaði kringlunni 37,46m.  Oktavía Edda Gunnarsdóttir sigraði í sleggjukasti með kast uppá 44,17m.

 

Nánari úrslit á mótaforriti.