23. júní 2011

Miðnæturhlaup Powerade í kvöld

Hið árlega Miðnæturhlaup verður í kvöld kl. 22 og hlaupa allir vegalengdahópar á sama tíma. Hlaupið fer fram í Laugardalnum í Reykjavík og ræst verður á Sunlaugarveg við Laugardalslaug. Hlaupið er í umsjón frjálsíþróttadeilda Ármanns og Fjölnis. Hlaupnar eru þrjár vegalengdir, 3 km án tímatöku, 5 km með tímatök og 10 km með tímatöku og telur árangur í þeirri vegalengd til stiga í Powerade mótaröðinni.
 
Stórhlauparinn Kári Steinn Karlsson úr Breiðablik verður meðal keppenda í 10 í kvöld.

Í fyrra hlupu um 1500 hlauparar í þessu vinsæla hlaupi, útlitið er fyrir svipaðan fjölda í ár og ljómandi gott hlaupaveður. Í fyrra höfðu 1050 skráð sig þegar lokað var fyrir forskráningu, nú eru þeir 1040.
 
Þeir sem hafa gleymt sér eiga enn möguleika, en hlauparar geta skráð sig á staðnum, í gamla inngangi Laugardalslaugarinnar frá klukkan 16:00 á morgun.
 
Miðnæturhlaupið er hluti af Powerade mótaröðinni. Þau Þórólfur Ingi Þórsson ÍR og Arndís Ýr Hafþórsdóttir Umf. Fjölni leiða stigakeppnina í mótaröðinni. Fast á hæla þeim í stigakeppninni koma Þorbergur Ingi Jónsson og Hrönn Guðmundsdóttir úr ÍR, öll fjögur eru þegar skráð til keppni á morgun.
 
 
Nokkrar myndir frá í fyrra má sjá hér.
Frekari upplýsingar má sjá hér.