Einar Daði Lárusson úr ÍR setti unglingamet bæði í tugþraut og stangarstökki í dag, en hann lauk keppni í þraut í Kladno í Tékklandi í dag. Einar Daði varð í 13. sæti, en átti fyrir 27. besta árangur keppninnar.

 

Hann hlaut samtals 7587 stig og bætti sig í flestum greinum tugþrautarinnar. Þetta er 4. besti árangur Íslendings í þraut frá upphafi. Hann fór 4,80 m í stöng.

Með árangri sínum náði Einar Daði lágmarksárangri á EM 22 ára og yngri.

 

Einar Daði verður með í Evrópubikarkeppni landsliða í Laugardal um helgina.

 

Úrslit mótsins verða birt í heild sinni á heimasíðu þess hér síðar.