Evrópubikarkeppni í frjálsíþróttum 3. deild, verður haldin á Laugardalsvelli á laugardag og sunnudag. Keppni hefst kl. 10 báða dagana. Fimmtán Evrópuþjóðir mæta til leiks með um 550 keppendur samtals og því verður þetta fjölmennasta alþjóðlega frjálsíþróttamótið sem fram hefur farið hér á landi.

 

Ísland teflir fram sterku liði og stefnir að því að vera meðal tveggja efstu liða sem gefur rétt til keppni í 2. deild að tveimur árum liðnum þegar keppnin fer fram næst.

Nokkrir góðir keppendur mæta til leiks, t.d. mæta tveir kúluvarpar sem eiga yfir 19 m og annar þeirra á yfir 20 m. Óðinn Björn fær því ærlega keppni, en hann stefnir á að rjúfa 20 m múrinn um helgina.

 

Þá mæta tveir kastarar sem eiga yfir 70 m í sleggjukasti og tveir hástökkvarar sem eiga yfir 2,20m.  Fleira mætti telja en sjón er sögu ríkari.

 

Hægt er að sjá skrá keppenda hérna.