Á föstudaginn 10. des. sl. hélt UMSE stangarstökksmót í karla og kvennaflokki. Þar bar helst til tíðinda að Júlíana Björk Gunnarsdóttir UMSE/dalvík setti Íslandsmet í flokki 12 ára og yngri þegar hún stökk 2,24m í annarri tilraun. Júlíana bætti svo sitt eigið met þegar hún stökk 2,34m í fyrstu tilraun og stendur Íslandsmetið í 2,34 m núna en það eru fleiri stangarstökksmót eftir fyrir áramót þannig að það er aldrei að vita hvað gerist hjá Júlíönu.

Á facebook síðu "UMSE frjálsar" er komið myndband af þessu stökki

Sveinborg UMSE og Selmdís HSÞ bættu sig einnig á þessu móti, báðar um 4 cm Sveinborg stökk 2,74m en Selmdís 2,54m.

Á jólamóti U.m.f. Samherja urðu miklar bætingar hjá yngri krökkunum.

Guðmundur Smári Daníelsson Samherjum og Rakel Ósk Jóhannsdóttir Smáranum 12 ára bættu sig mikið í sleggjunni. Guðmundur setti annan besta árangur frá upphafi með kast upp á 31,34 m og Rakel kastaði 18,30m sem er bæting um 4m og 6. besti árangur frá upphafi.

Sent: Ari Jósavinsson.