Björn Margeirsson úr FH sigraði í hálf-maraþonhlaupi í Brúarhlaupi Umf. Selfoss um helgina. Hann varð einnig Íslandsmeistari í greininni og varð þar með tvöfaldur maraþonmeistari þar sem hann varð einnig Íslandsmeistari í maraþonhlaupi í síðasta mánuði. Björn fékk tíman 1 klst. 14,31 mín., en í öðru sæti var Jósep Magnússon á tímanum 1:19,18 klst.Í þriðja sæti í hálf-maraþonhlaupi karla varð Flóki Guðmundsson á tímanum 1:21,45 klst. Íslandsmeistari í kvennaflokki varð Helen Ólafsdóttir, en hún kom í mark á tímanum 1:27,13 klst., en hún varð í 8. sæti í heildina.

Í öðru og þriðja sæti í hálf-maraþoni kvenna urðu þær Sigurborg Eðvarðsdóttir og Huld Konráðsdóttir á tímunum 1:33,54 og 1:39,15 klst.

 

Auk hálf maraþons var keppt í 2,5 km, 5 km hlaupum og 5 km hjólreiðum. Hægt er að sjá öll úrslit hlaupsins, bæði í heild og í einstökum flokkum hér.