David Rudisha frá Keníu setti nýtt heimsmet í 800 m hlaupi karla á ISTAF mótinu í Berlín í dag. Tími hans var 1 mín. 41,09 sek. Fyrra metið átti Wilson Kipketer, einnig fæddur í Keníu en hann keppti fyrir Danmöku. Það met var sett í Köln fyrir 13 árum. Fyrri hringur Davids í dag var á 48,68 sek. sem hentaði mjög vel fyrir hlaupið. David átti fyrr best 1:41,51 mín., sem var besti tími ársins þar til hann bætti sinn tíma í dag. 

Heimsmeistarinn í 800 m hlaupi kvenna, Caster Semenya frá Suður-Afríku sigraði 800 m hlaupinu í Berlín og fór í fyrsta sinn á árinu undir tvær mínútur, en hún kom í mark á 1:59,90 mín.  Hún varð heimsmeistari á þessum sama velli í fyrra sem varð upphaf af deilum um kynferði hennnar sem lauk fyrr á þessu ári. 

 

Úrslit og nánari fréttir af mótinu er hægt að nálgast hér (www.iaaf.org/IWC10/news/kind=100/newsid=58058.html) á heimasíðu IAAF.