Lið ÍR bar sigur úr býtum í Bikarkeppni FRÍ 16 ára og yngri fram fram fór að Laugum í Þingeyjarsýslu í dag. ÍR hlaut samtals 173 stig, en í öðru sæti var lið FH með 147 stig og sameiginlegt lið UMFSE og UFA í þriðja sæti með 134,5 stig. ÍR sigraði einnig í meyjaflokki með 98 stig en lið FH var þar í öðru sæti og HSK í þriðja sæti. Í sveinaflokki voru lið UMSE/UFA og ÍR jöfn að stigum með 75,5 stig hvort félag. ÍR hlaut sigur á grundvelli fleiri sigra, en sigur réðist ekki fyrr en í síðustu grein mótsins. Í þriðja sæti var lið FH með 67 stig. 

Sveit ÍR setti met í 1000 m boðhlaupi meyja, þegar þær komu í mark á tímanum 2 mín. 18,99 sek. Eldra metið var einnig sett af sveit ÍR 2:20,91 mín., sett árið 2003. 

 

Úrslit á mótinu er hægt að sjá á Mótaforriti FRÍ á heimasíðu sambandsins hér.

 

 

Mótið gekk vel fyrir sig og stóðst tímaseðill mjög vel, en slagveðurs rigning var búin að vera fram að mótinu sem hófst aftur eftir mótið, en veðrið hélst eins gott og á var kosið á meðan keppni stóð.