Meistaramót Íslands í maraþonhlaupi fór fram samhliða Reykjavíkumaraþoni í gær. Sigurvegari í karlaflokki var Björn Margeirsson sem kom í mark á tímanum 2 klst. 33:57 mín.
Í maraþonhlaupi kvenna kom Rannveig Oddsdóttir fyrst í mark á tímanum 2 klst. 57:33 mín., en það er 12 besti tími kvenna í Reykjavíkurmaraþoni frá upphafi og besti tími síðustu fimm hlaupa.
Þetta er í fyrsta sinn síðan 1984 sem íslenskur karl kemur fyrstur í mark í maraþoni. Árið 1984, í fyrsta Reykjavíkurmaraþoninu, sigraði Sigurður Pétur Sigmundsson en síðan þá og þar til í dag hafa sigurvegararnir verið erlendir.. Þau Björn og Rannveig eru ásamt því að vera sigurvegarar í Reykjavíkurmaraþoni Íslandsbanka 2010, Íslandsmeistarar í maraþoni 2010.
Þjóðverjinn Oliver Steininger sigraði í hálfmaraþoni karla og Íris Anna Skúladóttir í hálfmaraþoni kvenna. Steininger var á tímanum 1:16:11 og Íris Anna á 1:26:55. Í 10 km hlaupinu sigruðu þau Jósep Magnússon á tímanum 34:50 og Arndís Ýr Hafþórsdóttir á tímanum 39:01.
Óstaðfest úrslit eru birt á vefnum á 5 mínútna fresti. Sjá hér: http://www.marathon.is/urslit/millitimar
Staðfest úrslit og úrslit í aldursflokkum og sveitakeppni verða birt á marathon.is. Sjá hér:
http://www.marathon.is/urslit/urslit2010-rm
Alls voru 7.319 hlauparar skráðir til þátttöku í hlaupunum sem ræst voru í Lækjargötu. Flestir voru skráðir í 10 km hlaupið eða 3.680 sem er þátttökumet í vegalengdinni. Latabæjarhlaupið fó nú fram í Hljómskálagarðinum og var búist við því að um 3.000 börn tækju þátt í því hlaupi. 
Senda á Facebook
Senda á Twitter
Smartmedia Vefsíðugerð og vefhönnun © 2012