ÍR sigraði nokkuð örugglega í Bikarkeppni FRÍ sem fram fór um helgina á Sauðárkróksvelli. Liðið hlaut samtals 173 stig, en í öðru sæti var lið FH sem hlaut 157 stig, en þessi lið hafa sigrað keppnina í 37 af þeim 45 skiptum sem hún hefur farið fram. Í þriðja sæti var sameiginlegt lið Ármanns og Fjölnis með 135 stig, sameiginlegt lið Norðurlands var með 115 stig, HSK með 97,5 stig í fimmta sæti og lið Breiðabliks varð í sjötta sæti með 94,5 stig.

FH sigraði karlakeppnina með 99 stig en ÍR var í öðru sæti þar með 76 stig. Að öðru leyti var röð liða sú sama og í heildarkeppninni. Árm./Fjölnir með 66 stig, Norðurland 65 stig, HSK með 49 stig og Breiðablik með 40 stig.

 

ÍR sigraði kvennakeppnina nokkuð örugglega með 97 stig, en í öðru sæti þar var sameiginlegt lið Árm./Fjölnis með 69 stig. Lið FH var í þriðja sæti með 58 stig, Breiðblik í 4. sæti með 54,5 stig, lið Norðurlands með 50 stig og HSK með 48,5 stig.

 

Heildarstig og önnur úrslit er hægt að sjá á mótaforriti FRÍ hér.