Frjálsíþróttablaðið kemur út á morgun og verður því dreift með Morgunblaðinu og fylgir einnig með blaðinu í lausasölu. Meðal efnis verður umfjöllum um þátttöku okkar á Evrópumeistaramótum fyrr og síðar, en yfirlit verður um árangur okkar fólks þar frá upphafi.

Einnig verður fjallað um okkar fólk sem keppir á Evrópumeistaramótinu í Barcelona, en mótið hefst í næstu viku.

 

Auk umfjöllunar um EM eru fréttir úr starfinu, greint frá nýju fræðslukerfi fyrir frjálsíþróttir sem verið er að innleiða, sagt frá uppbyggingu frjálsíþróttaaðstöðu á Selfossi sem tekin verður í gagnið fyrir næsta Landsmót UMFÍ og margt fleira áhugavert efni fyrir frjálsíþróttaáhugafólk og aðra.