Ásdís Hjálmsdóttir Árm. hafnaði í fjórða sæti í spjótkastkeppninni á Demantamótinu í frjálsíþróttum sem fram fór í Gateshead í gær. Hún náði þar sínu besta kasti á árinu, 60,72 m, sem jafnframt er 3. besti árangur hennar frá upphafi. Sunette Viljoen frá Suður-Afríku kastaði 64,32 m, Kara Patterson frá Bandaríkjunum kom næst með 63,11 m og Barbora Spotáková frá Tékklandi varð þriðja með 62,02 m.

Næst á eftir Ásdísi var síðan Jarmila Klimesová frá Tékklandi með 56,21 m. Íslandsmet Ásdísar, frá 2009, er 61,37 m en í ár hafði hún best kastað 59,98 m á Vetrarkastmóti Frjálsíþróttasambands Evrópu Frakklandi í mars sl.

 

Úrslit í spjótkasti kvenna er hægt að sjá hér (www.diamondleague-gateshead.com/Live-StartlistsResults/Overview/Javelin-Throw-Woman/).