Alls eru um 220 keppendur skráðir til leiks og má búast við harðri keppni í flestum greinum. Fjöldi efnilegra ungmenna mun etja kappi á mótinu og mæta þar margir verðlaunahafar síðustu innanhússmóta. Sem dæmi má búast við spennandi keppni í 800m hlaupi ungkarla 19-22ára þar sem félagarnir Snorri Sigurðsson og Ólafur Konráð Albertsson úr ÍR takast á. En Snorri sigraði glæsilega á RIG leikunum, fyrr í janúar mánuði.

 

Frjálsíþróttamaður ársins, að mati fjölmiðla, Helga Margrét Þorsteinsdóttir mun keppa á mótinu og verður spennandi að sjá hana á brautinni, þar sem hún keppir meðal annars í kúluvarpi og 800m hlaupi.Fleiri efnilegir keppendur eru skráðir til leiks og má þar helst nefna Maríu Rún Gunnlaugsdóttur úr Ármanni og Sveinbjörgu Zophoníasdóttur frá USÚ. Þær keppa báðar í flokki ungkvenna 17-18ára og hafa getið sér gott orðspor sem efnilegar sjöþrautakonur.

 

Frjálsíþróttadeild Fjölnis sér um framkvæmd mótsins í ár, í samstarfi við Héraðssambandið Skarphéðin og Frjálsíþróttadeild Ármanns.

 

·         Keppni hefst kl. 11:00 á laugardag

·         Keppni lýkur kl. 16:00 á laugardag

·         Keppni hefst að nýju kl. 9:30 á sunnudag

·         Keppni lýkur kl. 16:00 á sunnudag.

 

Úrslit frá mótinu má nálgast á mótaforriti FRÍ