Fyrri keppnisdegi er nú lokið á Meistaramóti Íslands 15-22 ára, sem fram fer í Frjálsíþróttahöllinni Laugardal.  Meðal keppnisgreina í dag var langstökk ungkarla 19-22 þar sem Bjarki Gíslason frá UFA og Þorsteinn Ingvarsson frá HSÞ börðust um 1. sætið. Þorsteinn sigraði með stökk uppá 6,89m, en hann sigraði einnig langstökkskeppnina á Stórmóti ÍR, með töluvert lengra stökki, eða 7,33m. Það var einnig hörku spennandi keppni í langstökki stúlkna 17-18 þar sem Stefanía Valdimarsdóttir úr Breiðabliki sigraði eftir að hafa stokkið 5,57m, en María Rún Gunnlaugsdóttir úr Ármanni lenti önnur með stökk uppá 5,38m

Örn Davíðsson frá FH hafði mikla yfirburði í kúluvarpi ungkarla 19-22, en hann sigraði með kasti uppá 14,86m. Mikil spenna ríkti fyrir 800m hlaupi ungkarla 19-22 ára, þar sem Snorri Sigurðsson og Ólafur Konráð Albertsson úr ÍR komu nánast jafnir í mark, Snorri var þó fyrri til og sigraði á tímanum 1:55,38min en Ólafur á tímanum 1:55,77min Það sama var uppá teningnum í 200m hlaupi ungkvenna 19-22 ára þar sem Stefanía Hákonardóttir úr Fjölni sigraði, á tímanum 26,49sek. og fast á hæla hennar kom Margrét Lilja Hrafnkelsdóttir úr Breiðablik á tímanum 26,76sek.

 

Búast má við spennandi keppni í stigakeppninni þegar 2. keppnisdagur hefst á morgun. Staðan í stigakeppninni er eftirfarandi: