Ásdís Hjálmsdóttir

 

Nú er ansi margt búið að gerast síðan ég skrifaði síðast en eins og margir vita nú reyndar þá náði ég lágmarki á Ólympíuleikana á öðru móti sumarsins þegar ég kastaði 57,49 m í Evrópubikar á dögunum. Með þessu kasti sló ég í leiðinni þriggja ára gamalt Íslandsmet sem ég átti sjálf. Það var alveg ótrúlega góð tilfinning að vita að nú eru allir erfiðleikarnir og meiðslin að baki og ég er komin aftur í toppform. Það var sko þessi virði að leggja allt þetta á sig til að fá að upplifa þessa frábæru tilfinningu aftur að vera að bæta sig og uppskera eftir allt erfiðið.

Nokkrum dögum seinna keppti ég svo á Kaupmannahafnarleikunum og kastaði þar 56,50 m sem er líka yfir lágmarkinu á leikana. Ég er því greinilega orðin nokkuð stabíl á að kasta yfir 55 m svo ég vona að það sé farið að styttast í enn lengra kast. Það sem er svo á dagskrá hjá mér á næstunni er að keppa í Bikarkeppni FRÍ um helgina sem hefst í dag kl 18 í Kópavogi. Framhaldið er ekki alveg ákveðið ennþá en vonandi næ ég að keppa á 2-3 mótum áður en ég fer í æfingabúðir í Japan fyrir Ólympíuleikana þann 4. Ágúst.

 

Nú erum við orðin þrjú sem erum búin að tryggja okkur til Peking og vonandi eiga fleiri eftir að bætast í hópinn en fresturinn til að ná lágmörkunum rennur ekki út fyrr en 23. júlí.