Ásdís Hjálmsdóttir

 

Þá er ég búin að keppa á fyrsta mótinu og í þetta skiptið fór spjótið 55,92 m sem er ekki nema 8 cm frá lágmarkinu á Ólympíuleikana. Ég er mjög ánægð með þessa opnun þar sem ég var ekki búin að keppa í næstum tvö ár og vissi í raun ekkert hvar ég stóð. Það besta við þetta allt saman var að ég fann ekkert til í olnboganum en hann er nú einmitt ástæðan fyrir því að ég hef ekki keppt í svona langan tíma.

lanið hjá mér núna er að keppa á Evrópubikar um næstu helgi og svo fer ég á Kaupmannahafnarleikana 26. júní. Það er ekki alveg ráðið ennþá hvað ég geri svo eftir það en það fer eftir því hvað ég verð búin að kasta langt. Á mótinu á miðvikudaginn fann ég að ég á mikið inni svo að það er bara spurning hvenær en ekki hvort þessir 8 cm bætast við og hver veit nema það verði aðeins meira. Best að enda þetta með mynd sem við tókum í Berlín daginn eftir mótið þegar við vorum að bíða eftir fluginu okkar.

 

 

 

Vonandi verð ég með góðar fréttir næst.

 

Ásdís