Ásdís Hjálmsdóttir

 

Nú er ansi margt búið að gerast síðan ég skrifaði síðast en eins og margir vita nú reyndar þá náði ég lágmarki á Ólympíuleikana á öðru móti sumarsins þegar ég kastaði 57,49 m í Evrópubikar á dögunum. Með þessu kasti sló ég í leiðinni þriggja ára gamalt Íslandsmet sem ég átti sjálf. Það var alveg ótrúlega góð tilfinning að vita að nú eru allir erfiðleikarnir og meiðslin að baki og ég er komin aftur í toppform. Það var sko þessi virði að leggja allt þetta á sig til að fá að upplifa þessa frábæru tilfinningu aftur að vera að bæta sig og uppskera eftir allt erfiðið.

Ásdís Hjálmsdóttir

 

Þá er ég búin að keppa á fyrsta mótinu og í þetta skiptið fór spjótið 55,92 m sem er ekki nema 8 cm frá lágmarkinu á Ólympíuleikana. Ég er mjög ánægð með þessa opnun þar sem ég var ekki búin að keppa í næstum tvö ár og vissi í raun ekkert hvar ég stóð. Það besta við þetta allt saman var að ég fann ekkert til í olnboganum en hann er nú einmitt ástæðan fyrir því að ég hef ekki keppt í svona langan tíma.

Þórey Edda Elísdóttir

 

Sæl öllsömul.

 

Þá er komið að mér, Þóreyju, að henda inn hérna nokkrum orðum. Staðan á mér er alveg ágæt, mætti auðvitað alltaf vera betri en miðað við síðustu 3 ár er ég bara þakklát fyrir að vera í því formi sem ég er í, í dag.

Bergur

 

Ég er því miður búinn að vera svolítið tregur með þetta blogg, maður er engin spes bloggari og veit ekkert hvað ég get sagt, en allavega!...

Á  næstu misserum munu þau Ásdís Hjálmsdóttir, Bergur Ingi Pétursson, Óðinn Björn Þorsteinsson, Silja Úlfarsdóttir og Þórey Edda Elísdóttir eða Ólympíuhópur FRÍ 2008 færa inn blog færslur hér á þessu svæði. Fróðlegt verður að fá að fylgjast  með þeim og þeirra gengi fram að Ólympíuleikum sem fara fram í Peking næsta sumar.