FRI.is
02. september 2010

Norðurlandamót undir 23 ára

Um næstu helgi 4-5.september verður haldið Norðurlandamótið í frjálsum 20-22 ára í Söderhamn í Svíþjóð. Í ár náðu yfir 8 einstaklingar lágmörkum á þetta mót en einungis eru 5 sem fara út að keppa. Þetta eru;
  • Fjóla Signý Hannesdóttir HSK; hún keppir í 400m grind og hástökki
  • Örn Davíðsson FH; hann keppir í spjóti
  • Bjartmar Örnusön UFA; hann keppir í 800m
  • Þorsteinn Ingvason HSÞ; hann keppir í langstökki
  • Guðmundur Sverrisson ÍR; hann keppir í spjóti
Fararstjóri og þjálfari í þessari ferð er Pétur Guðmundsson.
 
Hægt er að sjá tímaseðili, nafnalista og úrslit á þessari síðu;
 
Við óskum þeim góðs gengis. Áfram Ísland.
meira >>
31. ágúst 2010

Ásdís Hjálmsdóttir sjötta á sterku móti í Rovereto á Ítalíu

Ásdís Hjálmsdóttir spjótkastari úr Ármanni keppti á mjög sterku móti í Rovereta á Ítalíu í kvöld.  Hún varð í sjötta sæti af átta keppendum og kastaði 56,06m en einungis tveir keppendur köstuðu yfir 60m.  Christina Obergföll silfurhafi á Evrópumeistaramótinu í Barcelona, sigraði á mótinu en hún kastaði rúmlega 64m.
 
Ásdís keppir n.k. föstudag í Padova á Ítlaliu en það er hennar síðasta mót fyrir "sumarfrí".
meira >>
30. ágúst 2010

Brúarhlaupið og MÍ í hálfu maraþoni, 4. sept. nk.

Allir hlauparar og hjólreiðamenn verða ræstir á Ölfusárbrú. Hjólreiðar hefjast kl. 11:00, hálfmaraþon kl. 11:30 og aðrar vegalengdir kl. 12:00.

Hlaupnar verða eftirtaldar vegalengdir: 2,5 km, 5 km, 10 km og hálfmaraþon sem er Meistaramót Íslands í greininni. Allar vegalengdir eru með tímatöku. Einnig er keppt í 5 km hjólreiðum. Keppni í 5 km hjólreiðum fer fram á malbiki. Allar hlaupaleiðir eru löggildar og mældar upp af viðurkenndum aðila. Tímataka er í öllum vegalengdum, bæði hlaupa og hjólreiða.

meira >>
29. ágúst 2010

Góður árangur á öðrum degi Norðurlandameistaramótsins og ein verðlaun til Íslands

Sveinbjörg Zophoníasdóttir náði í einu verðlaun Íslands í dag, er hún varð önnur í langstökkinu með 5,76 m sem hún náði í annarri umferð. Hanna Wiss frá Finnlandi bar sigur úr bítum, en hún stökk lengst 5,95m í sínu fyrsta stökki. Sveit Íslands í 4x400m boðhlaupi varð  í fjórða sæti eftir mikla baráttu við sænska liðið sem hafði loks betur eftir mikla og spennandi keppni.
meira >>
29. ágúst 2010

Fyrsti sigur Norðmanna í stigakeppni NM

Norðmenn unnu sameiginlega stigakeppni karla og kvenna á nýafstöðnu Norðurlandameistaramóti í frjálsíþróttum sem fram fór á Akureyri um helgina. Þetta er fyrsti sigur Norðmanna í þessari stigakeppni, en þeir voru hársbreidd frá þv

Þeir hlutu 165 stig gegn 162 stigum Svía, en með úrslit réðust í 4x400 m boðhlaupum karla og kvenna, en Norðmenn sigruðu í báðum hlaupunum. Finnar voru í þriðja sæti einu stigi á eftir Svíum, en þeir sigruðu kvennakeppnina með 88 stig, en Svíar aftur voru með besta karlaliðið keppninnar.

Heildarúrslit í stigakeppninni er hægt að sjá hér.

meira >>

Eldri fréttir

Eldri